by magnolia_eic | Jan 21, 2011 | Headlines, National News
Pormal nang nisugod pagtrabaho sa Commission on Elections (Comelec) si newly-appointed chairman Atty. Sixto Brillantes kagahapon.
Kalabot niini, ni apela si Brillantes sa publiko nga hatagan siya og higayon nga mapamatud-an ang iyang katakus isip bag-ong pangulo sa poll body.
Si Brillantes gi tudlo ni Presidente Benigno Simeon Aquino III sa puwesto niadtong Sabado sa hapon human nidesisyon si kanhi Comelec chairman Jose Melo nga mas sayong moluwat sa pangatungdanan, agig paghatag og higayon sa iyang appointment.
Gihimakak usab ni Brillantes ang pasangil sa pipila ka kritiko nga usa siyA ka “operator” sa eleksyon tungod sa iyang pagka election lawyer, diin pipila sa mga nahimo niyang mga popular nga kliyente nag-apil nilang Presidente Benigno Simeon Aquino III, kanhi Preisdente Joseph Estrada ug apil na usab sa pamilya sa mga Ampatuan.
Giseguro usab ni Brillantes nga aduna na usab usa ka malampuson ug fully-automated nga piniliay sa nasud sa tuig 2016. (ecb/PIABohol)
by magnolia_eic | Sep 30, 2010 | Headlines, National News
MIHULGA ang mga Katolikong obispo nga ilang pangunahan ang kampanya sa civil disobedience kon mamahimong balaod ang kontrobersyal nga reproductive health (RH) bill.
Sa usa ka pagpakighinabi sa radyo niadtong Miyerkoles, ang pangulo sa Catholic Bishops’ Conference of the Philippines (CBCP) public affairs unit nga si Caloocan Bishop Deogracias Iñiguez Jr., nagkanayon nga ang population control angay nga trabahuon sa gobyerno ug sa simbahan. Apan ang simbahan hugtanon sa ilang baruganan nga ‘non-negotiable’ kabahin sa artificial contraception.
Matud pa ni Iñiguez nga hayan nga mamahimong balaod ang RH bill tungod sa bag-ohay lang nga pamahayag ni Presidente Benigno Simeon Aquino III nga pabor kini sa “responsible parenthood” nga maghatag og kagawasan sa mga magtiayon sa pagpili gikan sa natural ngadto sa artificial methods.
Niadtong Martes, ang Malacañang niingon nga dili bag-ohon ni Aquino ang iyang baruganan mahitungod sa responsible parenthood bisan pa sa pagbabag sa simbahan sa paggamit sa artificial birth control methods.
Apan matud pa ni Iñiguez nga magpabiling bukas ang simbahan sa usa ka diyalogo tali sa kagamhanan mahitungod niini ug kon adunay imbitasyon gikan sa gobyerno, pwede kining ipaagi sa CBCP Episcopal Commission on Family and Life. (PIA-Bohol)
by magnolia_eic | Sep 16, 2010 | Headlines, National News
ANG Incident Investigation and Review Committee (IIRC) mo submitir sa ilang report sa
nahitabong hostage crisis niadtong Agusto 23 sa Biyernes human napakyas paghuman sa
gitakda nilang deadline nga Miyerkoles.
Niadtong Martes sa gabii, si IIRC chairperson Justice Secretary Leila de Lima nagkanayon
nga ang panel mo submitir ngadto ni Presidente Benigno Simeon Aquino III sa Biyernes,
duha ka adlaw human sa orihinal nga target nga adlaw sa pag submitir.
Sa pakighinabi sa mga tigbalita, si De Lima ni ingon nga iya nang gipahibalo daan ang
President nga dili pa siguro sila makahatag sa maong report sa Miyerkoles ug posibleng sa
Biyernes na.
Ang maong report mag basi sa forensic reports sa mga imbestigador sa kagamhanan ug sa
mga detalye nga natigum sulod sa lima ka adlaw nga IIRC marathon hearings sa niaging
semana.
Niadtong Agosto 23, si dismissed police officer Rolando Mendoza mi hijack sa usa ka
tourist bus sa Manila nga nagsakay og 21 ka turista gikan Hong Kong ug upat ka Pinoy. Si
Mendoza nga nangayo sa iyang reinstatement, napatay uban sa walo ka turista gikan Hong
Kong human sa 11-ka oras nga standoff.
Ang kagamhanan sa Pilipinas ug kapolisan nakadawat og grabeng pagsaway gikan sa
international community tungod sa pamaagi sa pagdumala sa maong hostage crisis. (PIA)
