by magnolia_eic | Jul 29, 2011 | Headlines, National News
PRESIDENT Benigno Aquino III has accepted the Supreme Court ruling striking down as unconstitutional the Truth Commission that would have looked into alleged irregularities under the Arroyo administration. Mr. Aquino is banking on newly appointed Ombudsman Conchita Carpio Morales to continue what the Truth Commission would have set out to do—investigate grafters under the Arroyo regime.
“We can’t do anything. The Supreme Court is the final arbiter of our laws. And we are the implementor of the same,” President Aquino said when asked if the government was already doing away with the Truth Commission. The SC junked with finality President Aquino’s first executive order creating a Truth Commission to investigate anomalies that hounded the administration of former President and now Pampanga Rep. Gloria Macapagal-Arroyo.
by magnolia_eic | Jul 29, 2011 | Headlines, National News
TAGBILARAN CITY, Bohol, July 27 (PIA)–PINAL na ang nahimong desisyon sa Korte Suprema human gipalig-on niini ang ilang naunang desisyon nga nagdeklara nga ‘unconstitutional’ ang Executive Order No.1 o ang pagtukod og Truth Commission ni Presidente Noynoy Aquino. Ang Philippine Truth Commission mao unta ang mo-imbestigar sa mga anomalya sa milabay’ng administrasyon ni kanhi Presidente ug karon Pampanga Rep. Gloria Macapagal-Arroyo.
Sa ilang regular en banc session, gibasura sa SC ang motion for reconsideration aron balihon ang naunang desisyon sa korte niadtong Disyembre tuig 2010. Matud pa sa SC, unconstitutional ang EO 1 tungod kay nakalapas kini sa 1987 Constitution tungod kay ang administrasyong Arroyo lamang ang target sa komisyon.
Una nang gibasura sa Korte Suprema ang EO nga nagtukod sa Truth Commission tungod kay unconstitutional kini tungod sa tinguha lamang niining imbestigahan ang mga giingong anomalya sa milabay’ng administrasyon. (PIA-Bohol/ecb)
by magnolia_eic | Jul 21, 2011 | Headlines, National News
TAGBILARAN CITY, Bohol, July 21 (PIA)–Bukas ang Malakanyang sa posibleng pagpakita ni kanhi Commission on Elections (Comelec) Commissioner Virgilio Garcillano. Matud pa sa tigpamaba sa Presidente nga si Edwin Lacierda, angay nga paminawon usab ang mga ibutyag
ni Garcillano sa giingong pagpanikas sa piniliay niadtong tuig 2004 ug 2007.
Kahinumduman’g si Garcillano ang gitawag nga “Hello Garci” nga giingong gikahinabi ni kanhi Presidente ug karon Pampanga Congresswoman Gloria Macapagal-Arroyo niadtong tuig 2004 nga piniliay. Kalabot niini, gitataw sa Malakanyang nga wala’y nahitabong binayranay sa pagtahan ni kanhi Maguindanao Election Supervisor Lintang Bedol sukwahi sa alegasyong nibayad ang gobyerno og P30 milyon bugti sa pagtahan sa iyang kaugalingon sa kanhi election official.
Sigun pa kang Lacierda, dili batasan sa administrasyong Aquino ang mobayad bugti sa mga impormasyon ug dili usab scripted ang sunod-sunod nga paglugwa sa mga testigo sa giingong pagpanikas sa piniliay.
(Translated into Bol-anon by Elvira Bongosia/PIA-Bohol)
by magnolia_eic | Jul 14, 2011 | Headlines, National News
TAGBILARAN CITY, Bohol, July 14 (PIA)–PAABOTON una ni Presidente Benigno “Noynoy” Aquino III ang resulta sa imbestigasyon sa Senado sa giingong anomalya sa paggamit sa pondo sa Philippine Charity Sweepstakes Office (PCSO) sa dili pa mopatuman og reporma. Giseguro sa Presidente nga magpatuman og reporma sa pagpagawas og pondo sa ahensya pinaagi sa mga problemang madiskubre sa Senado.
Giingong nagsugod ang problema sa PCSO nga naglambigit sa mga obispo sa Simbahang Katolika human madiskubri sa report sa Commission on Audit (COA) nga nakakuha og pondo ug sakyanan ang ubang Obispo ug ang laing pondo usab gigamit isip blood money
sa mga Overseas Filipino Workers (OFW) nga adunay kaso sa ubang nasud nga adunay pagtugot sa miaging administrasyon.
Sigun pa sa Presidente nga may gi-andam nang reporma aron hugtan ug matarong ang pagpagawas og pondo sa PCSO aron malikayan nga mapahimoslan kini. (PIA-Bohol/ecb)
by magnolia_eic | Jul 6, 2011 | Headlines, National News
TAGBILARAN CITY, Bohol, July 5 (PIA)–Migawas sa mga dokumento gikan sa Philippine Charity Sweepstakes Office (PCSO) nga sila si Kongresista Erico Aumentado ug Talibon Mayor Roberto Cajes milampos sa pagpagawas sa mga ambulansya alang sa ilang mga dapit isip mga gipaboran nga kaalyado sa administrasyon ni kanhi Presidente Gloria Macapagal Arroyo.
Ang maong taho napatik sa mga nasudnong pamantalaan nga mihingan ni Aumentado nga apil sa 65 ka mga gobernador nga Pro-Arroyo nga nakakuha sa labing daghang ambulansya atol sa katapusang upat ka tuig sa administrasyong Arroyo. Si Aumentado nakadawat sa 12 ka ambulansya isip gobernador sa Bohol diin ang lalawigan mipas-an sa 40% nga kantidad sa ambulansya. Samtang si Cajes nga naapil sa 29 ka mga Kongresista nga gipaboran sa mga tawo ni Arroyo nakadawat og usa ka ambulansya alang sa iyang distrito sa Bohol.
Ang tanang 29 ka mga Kongresista ug pipila ka mga gobernador, gawas ni Aumentado gikataho nga nakadawat sa mga ambulansya nga walay local counterpart nga nagkantidad og 40% sa gasto. Ang matag ambulansya mokantidad og mga usa ka milyon ka pesos ug sa patakaran sa
PCSO, ang benepisyaryo moabaga gayud sa 40% niini. (PIA-Bohol/ecb)
