Lihok para sa kalinaw sa Mindanao; PGMA mihagit sa PNP

“Sumpu-on ang 40 ka tuig nga kagubot sa Mindanao ug motabang para sa kalinaw!” Mao kini ang gihagit ni Presidente Gloria Macapagal-Arroyo ni Dir. Gen. Jesus Versoza, ang bag-ong napiling hepe sa Philippine Naitonal Police.

Si Versoza misanong sa pangatundanan niadtong Setyembre 27 sa Camp Crame.

Mapasaligon hinu-on ang presidente sa kapabilidad ni Versoza nga nadestino sa nagkalain-laing “hotspot” sa Mindanao sa wala pa mamahimong hepe sa lig-ong 125,000 nga kapolisan sa nasud.

Matud pa sa Presidente, kinahanglan ang interest sa katawhan ang mag-unang katungdanan sa PNP, dili lang pagluwas sa kadalanan sa krimen, ug apil ang pagsumpo sa mga kagubot nga nahitabo karon sa Mindanao.

Aron makab-ot ang kalinaw, ipatuman ang “disarmament, demobilization and rehabilitation” kon DDR nga pamaagi, dugang sa presidente.

Iya usab nga gi-awhag ang katawhan nga suportahan ang integrated transformation program (ITP) ug “reform program” sa PNP. (PIA/Bohol)

PNP nakadawat ug info aron madakpan sa Bravo human gisaka-an ang suhol sa P10-M

Gibutyag ni Police Chief Inspector Arneil Catarata, Hepe sa PNP, Operations and Intelligence sa Iligan City, nga midaghan ang impormasyon nga ilang nadawat kon hain nagtago ang rebeldeng lider sa MILF nga si Abdulrahman Macapaar alias Kumander Bravo.

Kini human gisaka-an ang suhol og P10 milyones sa bisan unsang impormasyon aron madakpan sa Kumander Bravo. Hinu-on, ila pang susihon ang kamatu-oran sa maong impormasyon.

Gipanghimakak usab ni Major Catarata nga adunay mga `bounty hunters’ nga mi-apil sa pagtugis sa mga rebelde. Kini ilegal ug wala tugoti sa Armadong Kusog, dugang ni Catarata.

Maski gamay lang apan mahinungdanong impormasyon nga modangat sa pagdakop kong Bravo, buhi o patay; mao ray among gikinahanglan aron madawat sa P10 milyones, hagit ni Catarata. (PIA-Bohol)