3 ka testigo nga mopalig-on sa testimonya ni Bedol, gikuhaan na og statement sa Comelec

TAGBILARAN CITY, Bohol, July 21 (PIA)–Gikumpirma ni Commission on Elections (Comelec) Chairman Sixto Brillantes nga naa na sa Kampo Crame ang tulo ka testigo nga giingong mosuporta sa gibutyag ni kanhi Maguindanao Election Supervisor Lintang Bedol kalabot sa giingong pagpanikas sa piniliay niadtong tuig 2004 ug 2007.  Matud pa ni Brillantes, kauban niini ang ilang abogado sa Comelec aron mokuha pa og dugang pahayag sa tulo ka testigo.

Gitataw usab ni Brillantes nga wala sa Philippine National Police (PNP) Custodial Center ang tulo apan naa sa usa ka buhatan sa Kampo Crame.Giseguro usab ni Brillantes ang seguridad sa tulo tungod kay mga empleyado pa gihapon sila sa Comelec.  Nauna nang giila ang tulo ka testigo nga sila Saliao Amba, acting Election Officer sa Shariff Saydona sa  Mustapha, Maguindanao; Magsaysay Mohamad, Chairman sa Municipal Board of Canvassers sa Sultan Barongis, Maguindanao; ug Salonga Edzela, computer voter’s list technician sa Maguindanao Provincial
Election Office. (Translated into Bol-anon by Elvira Bongosia/PIA-Bohol)

3-strike policy batok sa mga abusadong pulis

IPATUMAN sa Philippine National Police (PNP) ang 3-strike policy batok sa mga hepe sa
mga abusadong pulis nga mahilambigit sa pagguba sa disiplina ug imahe sa organisasyon.

Sa press briefing sa Camp Crame kagahapon, niingon si PNP Chief Director General Raul
Bacalzo nga dili siya pagpanagana sa pagpalagpot sa mga hepe sa pulisya nga masampolan
sa 3 strike policy kon malambigit sa ‘breach of discipline’ ug ‘grave abuse of authority’ ang
ilang mga sakop.

Giangkon sa PNP Chief nga makaguba sa imahe ug moral sa organisasyon ang sunud-
sunod nga mga kaso sa mga pulis nga nalambigit sa pag-abuso sa pangatungdanan niining
semanaha sama sa planong pagpatay ug ang pagpanglugos sa usa ka vendor nga naaresto
sa Manila niadtong 31.

Dili konsintihon sa PNP ang mga sakop niini nga mahilambigit sa krimen nga giangkon ni
Bacalzo nga usa ka seryosong paglapas sa pagsalig sa publiko.

Matud pa ni Bacalzo nga naghimo na og lakang ang PNP aron malikayan nga mausab
pa ang mga susamang insidente diin gipasidan-an na ang mga kapulisan nga dili siya
magpanagana nga ipa-aresto ug ipa-bilanggo kauban sa mga ordinaryong kriminal ang ilang
mga sakp nga mahilambigit sa pag-abuso sa ilang pangatungdanan. (ecb/PIABohol)

Dugang nga checkpoints gimandu sa Comelec

GIMANDU sa Commission on Elections (Comelec) ang dugang checkpoints sa mga lugar
sa nasud nga gi-oktaba ang piniliay kalabut sa pagpahigayon og special Barangay ug
Sangguniang Kabataan (SK) eleksiyon.

Sa resolusyon sa Comelec, gimanduan niini ang Philippine National Police (PNP) nga
magbutang og gudang checkpoints sa Basilian, Lanao del Sur ug sa unang distrito sa
Bulacan.

Matud pa sa Comelec, kinahanglan pa gihapon ang mga checkpoints tungod kay daghan pa
gihapon ang mga wala mosunod sa gun ban.

Una nang gimandu sa Comelec ang pagpahigayon og special Barangay ug SK eleksiyon
sa Nobyembre 13 sa unang distrito sa Bu–la-can, sa probinsiya sa Basilan, munisipalidad
sa Buadiposo Buntong, Kapai, Marantao, Calanogas, Ganassi, Lumbatan, Pagayawan,
ug Tugaya sa Lanao del Sur. (PIA)

23 barangays sa Bohol gibutang sa Comelec watchlist

Tagbilaran City, Bohol – Mikabat sa 23 ka mga barangay sa Bohol ang gibutang sa Election
Watchlist sa Commission on Elections (Comelec) ug sa Philippine National Police (PNP)
tungod sa mga bayolenteng panghitabo sa mga nangaging piniliay.

Matud pa ni Comelec 7 Acting Director Veronico Petalcorin, ang pagbutang sa maong mga
barangay ubos sa watchlist nagpasabot nga dunay dugang ipakatap nga mga tropa aron
pagseguro sa kahapsay ug kalinaw atol sa umaabot nga eleksyon aron manalipod sa mga
katawhan ug sa mga botos niini.

Adunay 33,484 ka mga kandidato ang gitugotan sa Comelec, Bohol nga magpapili sa
umaabot nga barangay ug Sangguniang Kabataan (SK) eleksyon karong Oktubre 25.

Ang 23 ka mga barangay sa Bohol apil sa 209 ka mga barangay sa tibuok Central Visayas
nga gibutang sa Comelec watchlist diin 22 niini ka barangays ang sa Cebu, samtang 157 sa
Negros Oriental ug 7 sa Siquijor. (PIA)

Ex-PNP chief Verzosa, mga lokal nga opisyal nihimakak sa ilang kalambigitan sa jueteng

SI kanhi Philippine National Police (PNP) chief Jesus Verzosa ug duha ka lokal nga opisyal nihimakak niadtong Miyerkoles sa mga pasangil sa ilang kalambigitan sa jueteng ug uban pang klase sa illegal gambling.

Silang Verzosa, Pangasinan Governor Amado Espino, Jr. ug Baguio City Mayor Mauricio Domogan nihimakak sa maong mga pasangil atul sa hearing sa Senate blue ribbon committee kabahin sa illegal numbers game.

Si retired Lingayen-Dagupan Archbishop Oscar Cruz nipasangil ni Verzosa nga tigdawat og jueteng payola samtang silang Espino ug Domogan mga jueteng operators.

Si Cruz, wala hinuon nakapagawas og mga kamatuoran sa iyang mga pasangil.

Nihangyo silang Verzosa, Gov. Espino ug Mayor Domogan sa Senado nga magbinantayon sa pagpagawas og mga kasayuran nga makaguba sa kadungganan sa mga tawo nga gipasanginlan lamang. (PIA-Bohol)