Kanhi AFP Budget Officer George Rabusa, Gibutang sa Witness Protection Program sa DOJ

GIBUTANG na sa Witness Protection Program (WPP) sa Department of Justice (DOJ)
si kanhi Armed Forces of the Philippines (AFP) Budget Officer retired Lieutenant Colonel
George Rabusa.

Gikumpirma kini mismo ni Rabusa nga gidawat na siya ang tanyag sa DOJ nga WPP niini
kauban ang usa pa ka whistleblower kabahin sa mga giingong anomalya sa militar nga si
Colonel Antonio Lim.

Nagpasabot kini nga gawas sa proteksyon sa ilang kinabuhi, dili na usab mahimong kasuhan
silang Rabusa ug Lim kalabut sa ilang mga gibutyad

Matud pa ni Rabusa nga mao kini ang gihangyo niyang kundisyon sa wala pa siya mibutyag
sa iyang mga nahibaw-an. (ecbPIABohol)