OFWs gikan Libya kuhaon sa European firms

DILI na angay mabalaka ang mga overseas Filipino workers nga naapektuhan sa giyera sa
Libya tungod kay mag-abri og trabaho ang pipila ka European companies alang kanila.

Matud pa sa Department of Labor and Employment (DOLE), ang European Chamber of
Commerce of the Philippines (ECCP) ang manghatag og oportunidad sa mga kuwalipikadong
aplikante human maapektuhan ang ilang trabaho sa kagubot nga nahitabo sa Libya.

Gitakdang magpulong ang DOLE ug ang ECCP executives aron mahibaw-an kung unsa man
ang mga bakanteng posisyon.

Dungan niini, gi-aghat usab sa DOLE ang mga OFWs gikan sa Libya nga ikonsidera ang
himuong job fair sa US Embassy alang sa 6,000 local vacancies sa 33 ka American companies.

Ang gihiusang Foreign Chambers of the Philippines ug Federation of Filipino Chinese
Chambers of Commerce and Industry, Inc. (FFCCCII) interesado usab mokuha sa mga OFW
evacuees gikan sa Libya nga mohaum sa bakanteng posisyon. (ecbPIABohol)