DOH warns vs. indiscriminate fogging

INDISCRIMINATE fumigation is not an effective method to combat dengue-carrying mosquitoes, the Department of Health said on Thursday.

“We are not saying that fogging is prohibited. What we are saying is that it should be done only when there is an outbreak or if an area is a hotspot for dengue,” said Dr. Lyndon Lee Suy, DOH dengue control and prevention program manager.

Lee Suy said fogging requires timing to make sure that more mosquitoes are eliminated.

“It should be done two hours after sunrise and two hours before sunset because these are the peak biting time of mosquitoes,” he said. “It should not be done if there is rain or if the wind is strong because you will not be able to target the mosquitoes.”

He said indiscriminate fogging might cause mosquitoes to develop resistance to insecticide.

To effectively kill the mosquitoes and the larvae, four cycles of fumigation should be done in the same area for four consecutive weeks. Lee Suy said the most effective way to curb the spread of dengue is to search for breeding sites of Aedes aegypti mosquitoes and then destroy them.

He added that doing routine fogging is not advisable because this would only make the community complacent. (DOH)

DOH nanawagan sa LGUs alang sa Dengue Screening matag weekend

TAGBILARAN CITY, Aug. 16 (PIA) – NANAWAGAN na ang Department of Health (DOH) sa mga lokal nga kagamhanan sa pagbukas sa ilang mga health centers matag weekend alang sa dengue screening tungod sa pagsaka sa kaso ng dengue sa nasud.

Matud pa sa tigpamaba sa DOH nga si Eric Tayag, kini aron mapugngan ang “overcrowding” sa mga pasyente sa mga tambalanan.

Gitataw ni Tayag nga ang weekend screening sa dengue alang sa hinanaling treatment sa mga dengue cases sa ilang mga kabalayan.

“We are appealing to LGUs that health centers be open on weekends so patients can be screened,” matud pa ni Tayag.

Nauna niini, natala na sa DOH ang 45,333 ka kaso sa dengue sa tibuok nasud sukad Enero hangtud Agosto ning tuiga, apil na ang nadugang nga 6,000 ka kaso sa katapusang duha ka semana.

Apan matud pa sa DOH nga mas ubos pa gihapon kini og 33.5% sa milabay nga tuig nga kaso nga mikabat sa 68,186 sa susamang bulan. (PIA-Bohol/ecb)

Mga pribadong tambalanan ngadto sa DOH: e-deklara ang dengue epidemic

GISUGYOT sa mga pribadong tambalanan sa Department of Health (DOH) niadtong Lunes nga e-deklara ang dengue epidemic tungod sa nagkasakang kaso sa dengue sa tibuok nasud ning tuiga.

Matud pa sa presidente sa Private Hospitals Association of the Philippines (PHAP) nga si Rustico Jimenez, ang paghimo sa deklarasyon makapa-aghat sa publiko nga mas magpakabana mahitungod sa kakuyaw sa sakit nga dengue.

Si Jimenez nagkanayon nga daghan pang mga Pinoy ang wala pa nagpakabana mahitungod sa maong sakit.

Sa kinatibuk-an, aduna nay 77,012 ka kaso sa dengue, apil na sa 543 nga nangamatay, ang natala gikan Enero 1 hangtud Setyembre 4 ning tuiga.

Samtang ang DOH, nisalikway sa pag-deklara og epidemic o state of calamity tungod kay ang ubang probinsya nitala og nagka-ubos nga kaso sa dengue, matud pa ni Dr. Eric Tayag, ang director sa National Epidemiology Center.
Gidugang ni Tayag nga mamahimo lamang mag-deklara kon adunay mga kondisyon sama sa: ang mga tawo nga nagka-dengue dili na matambalan sulod sa ilang panimalay tungod sa ka grabehon sa maong sakit; daghang nangamatay tungod sa maong sakit; ang mga tambalanan dili na makapasulod sa mga pasyente tungod sa kadaghan; ug grabeng pagkatap sa sakit nga dengue sa tanang lungsod.
Ang presidente sa PHAP planong makighisgut niining maong isyo sa mga opisyal sa DOH. (PIA)

Province-wide massive clean up drive batok sa dengue ipahigayon karong hapon

IPAHIGAYON karong hapon ang province-wide nga massive clean-up drive batok sa dengue virus nunot sa pagsaka sa makamatay nga sakit.

Ang kalihukan nga gipasiugdahan sa kagamhanang probinsiyal ubos ni Gobernador Edgar M. Chatto pagasugdan ala 1:30 sa hapon hangtud sa alas 6 sa gabii.

Mga opisyal ug empleyado sa kapitolyo lakip na sa 47 ka mga lungsod ug sa siyudad sa Tagbilaran gitakdang mosalmot sa maong kalihukan alang sa kampanya batok sa dengue diin duna nay 1,412 ka mga Bol-anon ang nataptan ug siyam na ang namatay sukad sa bulan sa Enero hangtud sa Septiyembre 13 ning tiiga.

Lakip nga mosalmot sa kalihukan mao ang private sector, religious group ug non-governmental organizations.

Tuyo sa maong kalihukan nga malimpiyo ang palibot sa usa ka dapit ug ipangyabo ang mga tubig nga napundo aron wala nay maitlogan sa maong lamok nga nagdala sa virus.

Si Provincial Health Officer, Dr. Reymoses Cabagnot nibutyag kini sinugdana lamang sa ilang kampanya aron masumpo ang maong makamatay nga sakit ug mahimo kining masundan pa.

Ang dakbayan sa Tagbilaran nga maoy topnotcher nga dunay daghang kaso, gitakdang mohimo og clean-up drive sa barangay Cogon ug barangay Bool ug lakip sa ubang mga barangay nga dunay natalang daghang kaso. (Andy Nalzaro)

CHO nibasul sa transient residents sa pagsaka sa kaso sa dengue sa siyudad sa Tagbilaran

139 na ka kaso sa Agosto, 3 patay

GIBASUL sa City Health Office kun CHO ang mga transient residents o kadtong taga-lungsod nga temporaryong nagpuyo sa dakbayan sa Tagbilaran nga maoy nakatampo sa pagsaka sa kaso sa nataptan og sakit nga dengue sa bulan sa Agosto.

Si City Health Officer, Dr. Alberto Jones nibutyag sa Bohol Balita nga dili mga Tagbilaranon ang ubang natakbuyan sa maong makamatay nga sakit nga aduna nay 139 ka kaso sa bulan sa Agosto ug tulo na ang namatay gikan sa Enero hangtud sa maong bulan.

Gipunting ni Jones nga ang mga estudyante kinsa nagsaka og mga boarding house nga mataptan sa maong sakit mogamit og adres sa siyudad kun ma-admit sa Gov. Celestino Gallares Memorial Regional Hospital.

Gitumbok usab ni Jones nga ang namuyo sa mga squatter area nga gikan sa mga kalungsuran nakatampo usab sa pagsaka sa talaan sa maong sakit kay mogamit usab sa adres sa siyudad.

Sa laing bahin, gibutyag ni Jones nga ang barangay Cogon nakatala og pinakadaghang kaso nga may 22 ka biktima sa bulan sa Agosto gisundan sa barangay Bool nga may 21 ug ikatulo ang barangay Dao nga dunay 17. Ang maong talaan naghatag na og alarma sa mga kagamhanang lokal human nabutang ang barangay Cogon sa usa ka nasyunal nga pamantalaan nga ikawalo nga barangay sa nasud nga dunay daghang nabiktima sa dengue.

Gumikan niini, gipahigayon ang fogging operation sa mga lugar sa barangay Cogon kagahapon nga naglakip sa Tamblot, Calceta, Lower Cogon ug tunghaan sa elementarya.

Matud ni Jones nga gawas sa fogging machine nga mopatay sa mga hamtong nga lamok nigamit usab sila og kemikal nga Abate aron ibutang sa stagnant kun nagpundo nga tubig aron mapatay ang waya-waya.

Nagpahigayon usab sila og information campaign sama sa 4″ o’ clock hapit nga mao ang paglimpiyo sa palibot pinaagi sa pagyabo sa mga pundo nga tubig.

Dugang niya nga nakapalit ang siyudad og fogging machine ug mga kemikals alang sa pagpakgang sa pagkuyanap sa maong makamatay nga virus sa lamok. (Andy Nalzaro)