Comelec midason pagbasura sa diskwalipikasyon batok ni Yap

KON may maghatag sa desisyon sa kasong gisang-at kabahin sa diskwalipikasyon ni kanhi Kalihim sa
Agricultura nga si Arthur Yap, kini dili na ang Commission on Elections.

Kini ang unod sa desisyon nga giluwatan sa COMELEC sa pagdason niini sa unang desisyon sa
pagbasura sa diskwalipikasyon nga gipasaka batok ni Yap sa pundok nga PAMALAKAYA.

Matud sa Comelec sa iyang bag-ong desisyon, naproklama na si Yap ug tungod niini, wala lay
hurisdiksyon ang Comelec sa kaso kaya buhaton na kini sa Electoral Tribunal sa Ubos Balay
Balaoranan.

Kahinumduman nga mipasaka ug motion for reconsideration and Pamalakaya sa desisyon sa Comelec
apan naapsan kini sa pagprokamar ni Yap isip representante sa ikatulong Distrito sa Bohol.

Gitumbok sa Comelec ang Section 17, Article VI sa 1987 Constitution nga naglatid nga ang senado ug
Kongreso nga Electoral tribunal na ang modesisyon sa mga kaso o reklamo batok sa mga sakop niini
ilabi na sa mga hisgutanan kabahin sa eleksyon ug diskwalipikasyon niini. (racPIABohol)

19,000 barangay, SK chairmen proklamado na

NIABOT na sa 19,000 barangay sa tibuok nasud ang nakapag-proklama na sa mga nidaug
sa barangay ug Sangguniang Kabataan (SK) eleksiyon.

Matud pa ni Divina Blas-Perez, Director sa Election and Barangay Affairs Department sa
Commission on Elections, 18,926 o 45.6 percent sa tibuok 42,025 ka barangay sa tibuok
nasud ang may bag-ong set sa mga chairman, kagawad ug SK officials.

Niadtong Martes, diha na’y 2,303 ang nipahigayon ug piniliay human gi-oktaba ang botohan
niadtong Lunes tungod sa aberya sa delivery sa mga election materials samtang niadtong
Miyerkoles, diha na’y 117 ka barangay ang nipahigayon ug eleksiyon.

Wala hinuon nakapagawas ang Co-melec sa gidaghanon sa mga botanteng niapil sa piniliay
tungod kay kinahanglan pa nilang humanon una ang tanang botohan. (PIA)

Campaign period di i-uswag

GISIGURO sa Commission on Elections nga dili na i-uswag pa ang campaign period bisan
pa sa pag-postponed sa ba-rangay ug Sangguniang Ka-bataan eleksyon sa Ok-tubre 25 sa
mga lugar nga naapektuhan sa bag-yong Juan.

Matud pa ni Comelec Commissioner Gregorio Larra-zabal, tataw nga nakabutang sa balaod
nga ang mga kandidato gitugotan lamang nga maka-pangam-panya sulod sa 30 ka adlaw.

Ang campaign period nagsugod niadtong Ok-tubre 14 ug mulanat kini hangtud Oktubre 23.

Sa Domingo usab, Oktubre 24 ipatuman ang liquor ban ug matapos kini hangtud sa
paghuman sa piniliay sa Oktubre 25.

Una nang gipahibalo sa Comelec ang pag-postponed sa pamba-ran-gay nga piniliay sa mga
munisipa-lidad sa Divilacan, Palanan ug Ma-co–nacon sa Isabela.

Posible usab nga mabag-o ang oras sa piniliay sa Isabela, Kalinga ug Cagayan. (PIA)

P’Noy nakakuha’g eksempsyon aron di na malakip sa poll ban

MAY pagtugot nga nakuha na ni Presidente Benigno S. Aquino gikan sa Commission on Elections sa pagtudlo, pagtumbok ug pagpabalhin sa mga opisyales bisan sa nagpadayon nga election ban.
Kini human ihatag sa Comelec kang pre. Aquino ang pagtugod nga dili na mapailawom sa ban sulod sa panahon sa kampanya alang sa Sangguniang Kabataan ug barangay elections sa Oktubre 25.
Gikompirmar ni Comelec Chairman Jose Melo ang pagtugod ngadto sa Malakanyang human lima sa pito ka commissioners miparoba sa hangyo sa Palasyo nga dili na iapil sa ban.
.Hinuon, pasabot niya nga kadto rang mga pangalan sa empleyado nga gisukip sa Palasyo nagdto sa listahan sa Comelec ang mahimong “binding”.
Segun sa taho, kapin pa sa 1,000 ka posisyon ang angayan hulipan sa Malakanyang. (PIABohol)

Comelec: Walay drug test alang sa mga magpapili sa SK, Barangay eleksyon

WALA gikinahanglan ang drug test alang sa mga magpapili sa bisan unsang posisyon sa umaabot nga Sangguniang Kabataan ug barangay eleksyon sa Oktubre 25, kini matud pa ni Bohol Provincial Election Supervisor Eliseo Labaria.

Sa usa ka pagpakig-pulong, si Labaria niluwat sa maong pamahayag tungod kay wala may polisiya ang Comelec nga nag-require sa mga magpapili nga mopaubos og drug test sa pagpahigayon sa piniliay og sa filing sa certificate of candidacy nga magsugod sa Oktubre 1, 2010.

Ang Comelec mopahigayon sa piniliay balik sa manual nga eleksyon o dili na mogamit sa poll count optic scan (PCOS) machines.

Matud pa ni Labaria nga ang Comelec ni re-clustered sa mga presinto sa mga botante, ug gi-ubsan ang gidaghanon sa mga mo botar ngadto sa 500 sa 2 o 3 ka clustered presincts gikan sa liboan nga naghuot sa lima ka presinto atol sa milabay’ng Mayo 10, 2010 nga piniliay.

Ang pag-ihap sa mga balota human sa piniliay himuon sa karaan nga pamaagi, gamit sa ballot boxes. (PIA-Bohol)