OAV registration, gisugdan na karong adlawa

TAGBILARAN CITY, Bohol, Nov. 02 (PIA)–Gisugdan na karong adlawa sa Commission on Elections (Comelec) ang pagpalista sa mga overseas absentee voters (OAV) isip pagpangandam sa 2013 Senatorial ug Partylist elections. Kahinumdoman nga una nang gitakda sa poll body niadtong Oktubre 31 ang registration period, apan gi-oktaba kini human gi-deklarar sa Malacañang nga special non-working holiday ang maong petsa. Matud pa sa buhatan, ang registration himuon sa tanang mga authorized Comelec representatives sa tanang mga embahada ug konsulada sa Pilipinas sa tibuok nasud.

Giingong kinahanglan lamang i-presentar sa mga applicants ang ilang mga valid Philippine passports o kaha ang seaman’s book alang sa mga tripulanteng Pinoy aron makaparehistro. Una nang gipahayag ni Comelec Chairman Sixto Brillantes nga molanat ang registration period gikan Nobyembre 2, 2011 hangtud Oktobre 31, 2012. Samtang giingong pabor usab ang Comelec sa gidusong online polls alang sa overseas absentee voting. Matud pa ni Comelec Spokesman James Jimenez, mas praktikal kini alang sa mga overseas Filipino workers (OFWs) nga kadaghanan nagpuyo layo sa mga gibutang nga voting center. Nagtuo ang Comelec nga mahimong dakung tabang kini aron mapataas ang voters turnout sa OAV. (PIA-Bohol/ecb)

Comelec, nangandam gihapon sa ARMM polls bisan adunay balaodnon nga i-oktaba kini

PADAYON gihapon ang pagpangandam sa Commission on Elections (Comelec) alang sa
piniliay sa Autonomous Region in Muslim Mindanao (ARMM) sa Agosto 8 bisan lusot na sa
katapusang pagbasa sa Ubos Balay Balaoranan sa Kongreso ang balaodnon sa pag-oktaba
sa maong piniliay.

Gibutyag ni Comelec Chairman Sixto Brillantes nga dili pa gihapon sila makasiguro nga i-
oktaba ang piniliay sa ARMM tungod kay moagi pa kini sa Senado.

Giingong padayon ang Comelec sa pagpangandam hangtud wala pa’y pinal nga desisyon sa
isyu sa pag-oktaba sa ARMM polls.

Niingon si Brillantes nga nagsugod na niadtong Lunes ang special registration of voters sa
ARMM nga molanat hangtud Marso 31. (ecbPIABohol)

Comelec chair Brillantes nagsugod na’g trabaho

Pormal nang nisugod pagtrabaho sa Commission on Elections (Comelec) si newly-appointed chairman Atty. Sixto Brillantes kagahapon.

Kalabot niini, ni apela si Brillantes sa publiko nga hatagan siya og higayon nga mapamatud-an ang iyang katakus isip bag-ong pangulo sa poll body.

Si Brillantes gi tudlo ni Presidente Benigno Simeon Aquino III sa puwesto niadtong Sabado sa hapon human nidesisyon si kanhi Comelec chairman Jose Melo nga mas sayong moluwat sa pangatungdanan, agig paghatag og higayon sa iyang appointment.

Gihimakak usab ni Brillantes ang pasangil sa pipila ka kritiko nga usa siyA ka “operator” sa eleksyon tungod sa iyang pagka election lawyer, diin pipila sa mga nahimo niyang mga popular nga kliyente nag-apil nilang Presidente Benigno Simeon Aquino III, kanhi Preisdente Joseph Estrada ug apil na usab sa pamilya sa mga Ampatuan.

Giseguro usab ni Brillan­tes nga aduna na usab usa ka malampuson ug fully-automated nga piniliay sa nasud sa tuig 2016. (ecb/PIABohol)

Aquino confident in choice of Brillantes as COMELEC Chairman

President Benigno S. Aquino III expressed confidence that newly- appointed Commission on Elections (COMELEC) Chairman veteran election lawyer Sixto Brillantes , Jr., is capable of ensuring reforms in the country’s electoral system.

“I have always said that correct identification of a problem leads to the correct solutions. Brillantes’ long career in election law has given him extensive on-the-ground expertise, not just of the law, but also of the systems and processes that govern our electoral exercises,” the President said in a statement read by Presidential Spokesperson Edwin Lacierda in a press briefing in Malacanang Monday.

The President appointed Brillantes last Jan. 15 to serve out the unexpired term of former COMELEC chairman Jose Melo, who resigned on the same date.

The Chief Executive stressed that Brillantes’ extensive knowledge of the law and experience as election lawyer is what the country needs to initiate electoral reforms.

He added that Brillantes’ main task is to ensure that there will be an orderly and credible election in 2013. (PIA/PCOO)

Dugang nga checkpoints gimandu sa Comelec

GIMANDU sa Commission on Elections (Comelec) ang dugang checkpoints sa mga lugar
sa nasud nga gi-oktaba ang piniliay kalabut sa pagpahigayon og special Barangay ug
Sangguniang Kabataan (SK) eleksiyon.

Sa resolusyon sa Comelec, gimanduan niini ang Philippine National Police (PNP) nga
magbutang og gudang checkpoints sa Basilian, Lanao del Sur ug sa unang distrito sa
Bulacan.

Matud pa sa Comelec, kinahanglan pa gihapon ang mga checkpoints tungod kay daghan pa
gihapon ang mga wala mosunod sa gun ban.

Una nang gimandu sa Comelec ang pagpahigayon og special Barangay ug SK eleksiyon
sa Nobyembre 13 sa unang distrito sa Bu–la-can, sa probinsiya sa Basilan, munisipalidad
sa Buadiposo Buntong, Kapai, Marantao, Calanogas, Ganassi, Lumbatan, Pagayawan,
ug Tugaya sa Lanao del Sur. (PIA)