Konseho nanawagan sa Korte Pag-undang sa paghimo’g di kwalipekadong mga syudad

GIPANAWAGAN na sa Sangguniang Panlungsod sa Dakbayan sa Tagbilaran ngadto sa Korte Suprema nga
undangon na ang paghimos sa mga lungsod nga mga syudad bisan kon dili kaini makatuman sa rekisitos sa
Batakang balaod ug sa Local Government Code.

Sa usa ka resolusyon nga gipangamahanan ni City Councilor ug abogado nga si Doni Piquero, ang syudad mi-
aghat sa Korte Suprema sa pagpa-tuman sa balaod ug pagtamud sa Batakang balaod.

Butyag sa Konseha, dili sila supak sa pagmugnag mga syudad, apan kinahanglang ang paghimo magasubay sa
mga rekisitos sa Constitution ug sa Local Government Code.

Gipalubad as Konseho nga ang Korte Suprema mibali na sa makatulo ka higayon sa iyang posisyon kabahin
ning hisgutanan.

Matud sa Konseho, ang pagbali-bali sa Korte Suprema karon lamang mahitabo ug makapa-tandog sa mga
legal principles sa pinal ug dili na mausab nga desisyon sa Korte.

Ang desisyon sa Korte Suprema magbukas unya sa mas daghan pang conversions sa dili kwalipekadong
lungsod bisag nagsupak sa mga probisyon sa Constitution ug sa Local Government Code.

Mipahimangno usab ang syudad nga kini unya makalibog ug magpasamok pa hinuon sa mga laraw pag-ugmad
sa mga syudad ug maghikaw na hinuon sa pagpadangat sa swerbisyo sosyal ngadto sa mga katawhan. (rac/
PIABOHOL)