Swine flu dili makapatalaw sa nagsingabot nga TBTK

DILI igo ang rason sa kahadlok sa swine flu aron i-oktaba ang nagsingabot nga Tigum sa mga Bol-aanon sa Tibuok Kalibutan (TBTK).

Kini maoy pamahayag ni Liklik Gallares Schroeder sa pakighinabi sa kahanginan sa milabay nga adlaw.

Kini usab bisan pa nga gibutyag ni Health Secretary Francisco T. Duque III nga may 33 pa ka kaso sa A (H1N1) nga nadeklara na nga luwas, nga nagdugang nagdto na sa 71 ka pasyente nga naayo na.

Sa laing bahin, 46 pa ang may kompirmadong mild nga A (H1N1) case, nga nagpalobo sa natakdan ngadto na sa 193 sukad niadtong Mayo 1.

Sa umaabot nga sugyot nga Ipa-oktaba ang TBTK, si Gallares-Schroeder mibutyag nga dili na kaayo kahadlokan ang swine flu kay wala na kini mataho nga gikahadlokan sa Amerika.

Hinuon, dugang niya, ipadayon pa gihapon usab ang mga pamaagi aron kalikayan ang pagkatap sa sakit pinaagi sa pagsubay sa saktong hygiene. (PIA)

Submit a Comment