Simpleng Xmas party alang sa mga pampublikong tunghaan

NANAWAGAN og balik si Department of Education (DepEd) Secretary Bro. Armin Luistro
sa mga opis-yales ug magtutudlo sa mga pampublikong tunghaan nga himuong yano ug dili
mogasto sa pagpahigayon og Christmas party karong Disyembre.

Gibalik ni Luistro ang panawagan agig pagsunod sa DepEd Order no. 114-2009 nga nag-
mando sa dili pagpugos sa kontribusyon alang sa ipahigayon nga party ug angay nga
himuong boluntaryo lamang kini.

Gikinahanglan usab nga himuong yano, barato, o kung gikinahanglan, ginama lamang sa
mga estudyante isip proyekto aron makadaginot. Dili usab angay nga mahal ang kantidad sa
regalo alang sa “exchange gift”.

Kun dili mopahigayon og Christmas party ang tunghaan, angay nga ibutang sa “savings”
ang makolektang pondo aron mahatag kini sa mga apektadong pamilya nga naigo sa mga
kalamidad.

Kun ipadayon usab ang party, angay nga himuon kini nga dili maapektuhan ang normal
nga pagpahigayon sa mga klase, serbisyo sa mga estudyante ug uban pang akademikong
aktibidad sa usa ka tunghaan. (PIA)

Submit a Comment