Sec. Del Rosario, tua sa Tripoli, Libya alang sa last call sa pagbakwit sa mga Pinoy

BISAN PA sa nagka-grabeng air strike, mibalik sa Tripoli si Foreign Affairs acting Secretary
Albert del Rosario alang sa katapusang panawagan sa mga nahabiling Pinoy sa Libya nga
mobakwit na.

Gikuyogan pa ni Del Rosario sa paglabang sa Tunisian border ang 31 ka Overseas Filipino
Workers (OFW) apil ang 10 ka Pinoy nurses.

Makauban sa grupo ni Del Rosario sa Djerba, Tunisia ang 23 pang Pilipino nga napagawas
usab gahapon sa Libya ni Ambassador Alejandro Vicente samtang ugma, aduna pay 30 ka
OFW gikan sa Tripoli, apil ang 19 ka estudyante ang moabot sa Djerba.

Samtang gibilin usab ni Del Rosario sa Tripoli si Foreign Affairs Undersecretary Rafael
Seguis aron magpabilin didto og pila pa ka adlaw sa pamasin nga aduna pay Pinoy nga mo
apas nga gustong mobakwit paule sa Pilipinas.

Atimanon usab ni Seguis ang remittance issue sa mga nagpabiling Pinoy partikular ang mga
Pinay nurses nga mi-apela sa tabang sa gobyerno kun unsaon makapadala og kwarta sa
ilang pamilya dinhi sa Pilipinas. (ecbPIABohol)

Submit a Comment