Bohol News Daily

RH Bill, dili Divorce Bill ang prayoridad sa administrasyong Aquino

Tagbilaran City, June 3 (PIA) – Gitataw ni Presidente Benigno “Noynoy” Aquino III nga dili prayoridad sa iyang administrasyon ang gidusong Divorce Bill sa Kongreso.  Matud pa sa Presidente nga ang Divorce Bill mahimong makaingon sa pagkabahin-bahin sa
publiko.  Gikuwestyon usab sa Presidente kun seryoso ba gayud ang nagduso sa maong balaodnon.

Nagtuo ang Malakanyang nga dili angay idungan ang Divorce Bill sa pagtuki sa Reproductive Health (RH) Bill nga mao karon ang prayoridad sa administrasyong Aquino.  Sigun pa ni Presidential Communications Group Secretary Ricky Carandang, gustong idungang sa RH Bill ang Divorce Bill human nahibaw-an nga ang maong balaodnon napasar ug legal na karon sa Malta, ang kapartner sa Pilipinas sa tibuok kalibotan nga nahabiling nasud nga walay diborsyo. (PIA-Bohol/ecb)