Repatriation sa mga OFW’s sa Sokor adunay pondo – DBM

GISIGURO niadtong Lunes sa administrasyong Aquino nga adunay igong pondo kon
ipatuman ang evacuation sa mga OFW’s nga tua sa South Korea sa higayong mo grabe ang
sitwasyon.

Matud pa ni Budget Secretary Florencio Abad, adunay igong pondo nga gigahin sa panahong
kinahanglang ibakwit ang may 50,000 OFW’s nga naa sa Korea kon mo grabe ang sitwasyon
sa Korean peninsula.

Wala hinuon gibutyag sa kalihim sa Department of Budget and Management (DBM) ang
kantidad nga mamahimong gastuhon sa gobyerno kon ibakwit ang tanang mga OFW’s nga
naa sa Korea.

Dugang pa ni Abad, padayon ang pagtutok ni Presidente Benigno Aquino III sa panghitabo
sa Korean peninsula ug aduna nay naka-andam nga mga contingency plan kon kinahanglang
ibakwit ang mga Pinoy. (PIA)

Submit a Comment