PNP gi alerto batok sa terror attack

HUMAN gibutyag sa Estados Unidos ang ‘terror attack’ sa Al Qaeda terrorist, gialerto na ni
PNP chief Director-General Raul Bacalzo ang kapulisan sa tibuok nasud aron dili malusutan
sa teroristang grupo nga posibleng manghasi og terorismo.

Matud pa ni Bacalzo nga bisan pa nga wala’y direktang hulga sa ‘terror attack’ ang Pilipinas,
mas maayo nga andam ang tanan sa bisan unsa mang panghitabo.

Dugang pa sa PNP chief nga gimandu niya ang paghugot sa seguridad ilabi na sa mga mall,
airport, bus terminal ug uban pang lugar nga gikonsidera nga ‘soft target ‘ sa terror attack.

Kauban sa hingpit nga gi monitor ang Jemaah Islamiyah (JI), ang Southeast Asian terror
network nga gitukod sa Al AQaeda. Ang JI terrorist nga konektado sa mga bandidong Abu
Sayyaf Group (ASG), nahilambigit sa mga kidnapping for ransom ug pagpang-bomba.

Ang maong mandu nagsunod sa pagka diskobre sa US sa terror plot sa Al Qaeda human
sa pagkasakmit sa mga bagahe nga dalhun unta sa Chicago nga adunay mga sulod nga
galamiton sa pagpa-momba sa Yemen niadtong Biyernes.

Si Bacalzo nagkanayon nga gimanduan na niya ang PNP- Intelligence aron hingusgan pa
ang monitoring aron mababagan ang pag-atake sa mga teroristang grupo sa Pilipinas ilabi
na sa mga pang publikong lugar. (PIA)

Submit a Comment