GISALIKWAY na usab ni Presidente Benigno Aquino III ang suhestyon sa pipila ka
magbabalaod nga gamiton niini ang iyang emergency power aron masulbad ang krisis sa
lana.
Matud pa ni Ricky Carandang, ang pangulo sa Presidential Communications Development
and Strategic Planning Office, dili gamiton sa Presidente ang iyang emergency power sa
pagsulbad sa kasamtangang krisis sa lana tungod kay mahimo pa kining masolbad sa
gobyerno.
Una nang nitanyag si Senador Gregorio Honasan nga hatagan og emergency power si
Aquino, samtang si House Speaker Feliciano Belmonte miingon nga ang Balay Ubos
Balaoranan mohimo og seryosong pagtuon sa maong suhistyon.
Aduna nay mga lakang nga gihimo ang kagamhanan sa pagsulbad sa padayon nga pagsaka
sa presyo sa lana sama sa paglagda sa Presidente sa Executive Order 32 diin gigahinan og
P450 milyon ang Public Transport Assistance Program o Pantawid Pasada Program. (ecb/
PIA-Bohol)
