Pilipinas mahimong Northern Gateway sa 2015 – PNoy

TAGBILARAN CITY, Aug. 31 (PIA)– GI-AGHAT ni Presidente Benigno “Noynoy” Aquino III ang mga negosyante sa China nga pahimoslan ang kahigayonan ug dalhon na ang ilang mga negosyo sa Pilipinas sa dili pa ang tuig 2015.

Sa iyang mensahe atubangan sa 500 ka mga negosyante kalabot sa Philippines-China Trade Forum, miingon ang Presidente nga pag-abot sa tuig 2015, mahimo’ng Northern gateway na ang Pilipinas sa higayon nga matukod ang ASEAN Economic Community.

Matud pa sa Presidente, karon ang tukmang panahon samtang bag-o na ang administrasyon sa Pilipinas ug mas mayo nga magtukod og negosyo.

“We want even more of our people to work with you towards partnerships that are mutually beneficial: After all, by 2015, with the formation of the ASEAN Economic Community, the Philippines will be the Northern gateway to the region. The time to open that gateway, together, is now,” matud pa ni Presidente Aquino.

Giingon’g nakipag-tambayayong na ang DILG ug DTI sa mga governors ug uban pang local officials aron mohimo og mga ordinansa nga tukma sa nasudnong balaod aron mapadali ang pagnegosyo sa mga lalawigan.

Dungan niini, nagpasalamat ang Presidente sa mga negosyanteng Chinese sa ilang mga investments sa Pilipinas ilabi na alang sa development sa Mindanao region.

Partikular na niini ang naa sa $23 milyon nga gibubo sa public work projects sa rehiyon nga may potential mahimong ‘food basket’ sa nasud.

“As I speak, these projects, worth 12 and 11 million dollars respectively, are currently being undertaken; and both are expected to be completed in 2013.These projects are only two examples of the enthusiasm that results from partnerships between our countries,” dugang pa sa Presidente. (PIA-Bohol/ecb)

Submit a Comment