Bohol News Daily

Ph Dragon Boat Team, gipasidunggan sa AFP og Triple M award

TAGBILARAN CITY, Aug. 15 (PIA) – GIPASIDUNGGAN sa Armed Forces of the Philippines (AFP) og Military Merit Medal (Triple M) ang Philippine Dragon Boat Federation team sa Camp Aguinaldo dungan sa flag raising ceremony ganinang buntag.

Kini human nilang nasakmit ang lima ka gold ug duha ka silver medals gikan sa 10th International Dragon Boat Federation World Championships sa Tampa Bay, Florida sa Estados Unidos.

Onse ka sakop sa AFP ang apil sa grupo; walo gikan sa Philippine Army kauban silang team manager Major Harold Cabunoc ug team captain Sergeant Usman Anterola, duha gikan sa Philippine Air Force ug usa gikan sa Philippine Navy.

Dawaton usab nila karong hapon ang pasidungog sa kongreso sa ilang kadaugan.

Nanghinaut si Major Cabunoc nga maapil og hatag sa awarding karong hapon ang P1.5 million nga hinabang kanila sa mga kongresista.

Niadtong Biyernes, gihatagan ni Presidente Benigno “Ninoy” Aquino III og presidential citation ang Philippine Dragon Boat Federation Team. (PIA-Bohol/ecb)