PAMOLITIKA sa mga Kongresista ang nakalanagy sa pag-angkon sa nasud sa lima ka Doppler Radar nga ikatabang na unta niini pag-tumbok sa mga lugar nga maagi-an sa bagyo.
Kini maoy pahayag nila ni Camarines Sur Rep. Rolando Andaya ug Angelo Palmones sa laraw unta nga mopalit og mokabat sa P500 M nga modernong rada aron makahimo na og piho nga hulagway sa dagan sa panahon ang atong weather bureau.
Matud ni Andaya ug Palmones, may duha ka Kongresista nga nagduso sa duha ka suppliers alang sa lima ka Doppler radar Philippine Atmospheric, Geophysical and Astronomical Services Administration (PAGASA).
Butyag ni Palmones, kinsa usa sa mga lider sa non-government organization nga mitabang sa Pag-asa, ang usa ka kongresista gusting paluston ang supplier nga amerikano samtang may laing Kongresista nga buot nga ang contractor nga Insik ang makadaug.
Hinuon, wala hinganli ni Adnaya ug Palmones kon kinsa ang mga natumbok nga Kongresista.
Human sa dugay nga pagkalangay sa pag-angkon sa radar, napadayon gihapon apan anaa pa sa pag-instalar ang radar nga makatagna sa gidaghanon sa uwan ug gikusgon sa dagan sa bagyo nga nagsingabot. (PIA)
