PAL, FASAP pakyas sa pag resolba sa ilang kasungian

PAKYAS ang management sa Philippine Airlines kon PAL ug ang PAL Flight Attendants and Stewards Association kon FASAP sa pag resolba sa ilang kasungian tungod kay walay buot mopa bag-o sa ilang baruganan tali sa duha ka kampo.

Ang PAL nipahayag niadtong Martes nga ilang barugan ang ilang tanyag nga P80-milyones alang sa cabin crew union sa rason nga dili na sila makahatag pa og dugang tungod sa current financial difficulties.

Tungod niini, ang FASAP moduso sa ilang notice of strike sa mosunod nga duha ka semana.

Atol sa conciliation meeting nga gipahigayon sa National Conciliation and Mediation Board kon NCMB, ang PAL management ni insistir usab sa pag-limit sa ilang panaghisgot sa economic aspect sa collective bargaining agreement kon CBA agig pagsirado sa 2005-2010 CBA uban sa FASAP.
Ang kalihim sa Department of Labor and Employment nga si Rosalinda Baldoz ni ingon nga andam ang kagamhanan nga mopataliwala sa maong kasungian kon gikinahanglan. Apan matud pa ni Baldoz nga wala pa gikinahanglan ang pagsalmot sa kagamhanan ug malaumon siya nga ang duha ka partido makakab-ot ra og maayong kasabutan sa mosunod nga mga adlaw. (PIA-Bohol)

Submit a Comment