Pagpangrehistro alang sa Brgy elections, gisugdan

SUGOD nakarong adlawa ang pagpangrehistro sa mga botante aron maka-apil sila sa nagsingabot nga barangay elections.
Matud sa local nga Commission on Elections, ang pagpangrehistro molanat pa ngadto sa Agosto 13.
Hinuon, dili pa piho ang hugon-hugon nga I-oktaba una ang piliay sa barangay karong tuiga.
Kahinumduman nga una na nga gipadayag sa mga tinugyanan ang psibleng kalisud nga pinansyal nga ikabagat sa kagamhanan kon ipadayon ang pagpundo sa P22 bilyones alang sa nagsingabot nga politikanhong kalihukan.
Sa laing bahin, si Gob. Edgar Chatto mituo nga ipadayon ang piliay subay sa gikatakda nga petsa sa Oktubre 25.
Sa usa ka pagpakigpulong atubangan sa mga hepe ehekutibo sa nasudnong kagamhanan, matud ni Chatto nga wala pag pormal nga gipasakang amendment sa balaod aron ikasibog ang piliay sa laing higayon. (PIA-Bohol)

Submit a Comment