Pagbaligya og opium poppy seeds, kasamtangang ipahunong sa FDA

IPAHUNONG una sa Food and Drugs Administration (FDA) ang pagbaligya sa opium poppy
seeds nga gisagol sa mga pagkaon sama sa pan.

Matud pa ni FDA Director Suzette Lazo, dili una mahimong ibaligya ang mga poppy seeds
nga dili moagi sa ilang pagsusi samtang gitun-an pa ang balaod, sa pakipag-tambayayong sa
Philippine Drug Enforcement Agency (PDEA), kalabot sa pagkontrol sa pagbaligya sa maong
produkto.

Niingon si Lazo nga posibleng mopagawas sila og bag-ong advisory inig human na sa ilang
gihimong pakisusi.

Nauna nang niingon si Senate Majority leader Vicente Sotto III nga apil ang poppy seeds sa
mga gidili nga droga tungod kay mao kini ang hinungdan sa adiksyon.

Gitataw usab ni Lazo nga kon mauga na ang poppy seeds, wala na kini narcotic o addictive
component.

Samtang gihimakak usab sa grupo sa mga panadero nga tiggamit sila og poppy seeds sa
ilang mga pan ang mga panaderya.

Niingon si Chito Chavez, pangulo sa Philippine Federation of Bakers Association (PFBA) nga
mahal ang poppy seeds ug dili kini basta-basta mapalit.

Apan giangkon usab ni Chavez nga may pipila nga tiggamit niini ilabi na ang mga home-
made bakeshop ug pipila usab ka coffee shop.

Ang poppy seeds gigamit isip pahumot sa mga cakes ug ubang gourmet bread.
(ecbPIABohol)

Submit a Comment