Bohol News Daily

Pag-ugmad sa pasilidad sa turismo sa 2011 makaayo

HAGIT alang sa dugang pag-ugmad sa pasilidad alang sa turismo ang usa sa mga sagubangon sa
mga Bol-anon alang sa 2011.

Hinuon, kini nga panginahanglan aron mas masinati pa sa lalawigan ug sa katawhan niini ang
maayong benepisyo sa industriya nga nagsulbong.

Matud sa negosyanteng si Fortunato Lim, tag-iyag tagdumala sa Fortune Agrivet ug representante
sa Bohol Chamber of Commerce and Industry, kung mas mapamaayo nato ang pasilidad sa turismo,
mas bulahan pa ang mga Bol-anon sa bag-ong tuig.

Niini, nangathat si Lim sa mga Bol-anon nga maghiusa alang sa kaayohan sa Bohol ug alang sa mga
pangadoy sa mga Bol-anon sa tuig 2011. (racPIABohol)