OSG, moduso og motion for reconsideration sa Garcia plea deal sa dili pa moapela sa SC

Tagbilaran City, May 11 (PIA) – Nauyonan sa legal team sa Malakanyang nga moduso una og tulo
ka consolidated motion for reconsideration sa Sandiganbayan sa dili pa moapela sa Korte Suprema
kalabot sa gihimong pag-aprubar sa anti-graft court sa plea bargaining agreement tali sa Office of the
Ombudsman ug ni kanhi Armed Forces of the Philippines (AFP) Comptroller retired Major General
Carlos Garcia.

Matud pa ni Solicitor General Anselmo Cadiz nga gamiton una nila ang tanang legal nga remedyo sa
Sandiganbayan aron kwestyunon ang desisyon niini sa dili pa sila mosaka sa Korte Suprema tungod
kay kun dili kini nila buhaton, mahimong ibasura lamang ang ilang petisyon.

Gipahayag ni Cadiz nga apil sa ilang kuwestyunong desisyon ang gihimong pagpalig-on sa
Sandiganbayan sa Garcia plea deal, pagbasura sa motion for intervention sa Office of the Solicitor
General (OSG) ug pagbasura sa motion for inhibition kang Sandiganbayan Presiding Justice Edilberto
Sandoval.

Mahinomduman nga gi-aprubahan sa Sandiganbayan ang plea bargaining agreement diin ipaule ni
Garcia sa gobyerno ang P135 milyon ug mosulod kini sa guilty plea sa kasong irect bribery nga mas
ubos sa kasong plunder nga gipasaka batok niya. (PIA-Bohol/ecb)

Submit a Comment