GISIGURO gahapon sa Department of Foreign Affairs- (DFA) nga tulo ka ruta ang ilang
giandam nga evacuation areas alang sa mga OFW’s sa Egypt kon kinahanglan na silang
ibakwit.
Matud pa ni Foreign Affairs Usec. Rafael Seguis, nakipag-tambayayong na sila sa Libya ug
Jordan kon kinahanglan nang ibalhin ang may 6,500 ka OFW’s didto sa higayong mo grabe
ang sitwasyon sa Egypt.
Si Foreign Affairs Usec. Esteban Conejos niingon usab nga naggahin na ang DFA ug OWWA
og P50-M standby fund nga gamiton alang sa evacuation sa mga OFW’s.
Matud pa ni Conejos, mahimong ibakwit ang mga OFW’s sakay sa barko paingon sa Tripoli,
Libya ug Amman, Jordan gikan sa Port sa Alexandria o mahimo usab kini pinaagi sa by-land
travel. (ecbPIABohol)
