NSO: mas maayo nga maandam na ang tubag ngadto’s nag-census

MAS maayo nga maandam na sa mga pamuno sa balay ang mga I-tubag sa mga magtutudlo nga gisangonan sa National Statistics Office (NSO) nga mohimo sa census ning tuig 2010.

Butyag ni Jessamyn Anne Alcazaren, hepe sa NSO dinhi, mas mapadali kon ang tagbalay nga motubag sa mga nagcensus nasuheto na sa mga tinuod nga ngalan sa nagpuyo sa iyang panimalay, ang ilang sex, adlaw nga natawhan, edad, petsa sa pagkarehistro, kahimtang o status, relihiyon, citizenship.

Ipangutana usab ang nanimuyo sa balay sa milabay’ng lima ka tuig, ug ang labing taas nga grading nakab-ot sa mga sakop sa balay.

Walay angay kahadlokan sa mga pangutana kay walay labut niini ang kahimtang ekonomikanhon o kita sa mga tagbalay, pasabot ni Alcazaren.

Kini samtang magpadayon ang pagcensus sa mga populasyon ug kabalayan gikan niadtong Mayo 17 hangtud sa Julyo 11. (PIA-Bohol)

Submit a Comment