Bohol News Daily

MILF, uyon sa accounting sa P5-M

TAGBILARAN CITY, Bohol, Oct. 27 (PIA)–Giseguro sa Moro Islamic Liberation Front (MILF) nga andam silang mosunod sa gitakdang accounting procedures kalabot sa kontrobersiyal nga Bangsamoro Leadership and Management Institute (BLMI) fund. Sa usa ka pakighinabi sa radyo, gitataw sa tigpamaba sa MILF nga si Von Alhaq nga aduna nay nakahikyad nga padungan kun unsaon paggastus ang P5 milyon nga pondo. Gihimo sa opisyal ang pahayag isip reaksyon sa giingon ni presidential peace adviser Teresita Deles nga gipaabot sa gobyerno gikam sa MILF ang accountability sa pondo. Una na usab miingon si Alhaq nga wala pa matandog ang maong pondo ug nakatago lamang kini sa bangko.

“Wala namang problema (accounting). Dahil ito ay ibinigay nila sa MILF. Isa ito sa mga bunga ng negosasyon,” matud pa sa opisyal. Sa parte sa gobyerno, una nang gitataw ni government peace panel chairman Marvic Leonen nga dugay nang commitment sa gobyerno ang maong pondo sa rebeldeng grupo. “It is government’s commitment to help in the development of future Bangsamoro leaders and managers who will utilize their political and socio-economic knowledge and skills to improve the situation in the Bangsamoro homeland,” matud pa ni Leonen. (PIA-Bohol/ecb)