Mga Pinoy gidid-an sa pagtrabaho sa 41 ka nasud

TAGBILARAN CITY, Bohol, Nov. 02 (PIA)–Gidid-an ang mga Pinoy sa Philippine Overseas Employment Administration (POEA) sa pagbyahe aron mo trabaho sa 41 ka nasud nga giingong pakyas sa paghatag og igong proteksyon batok sa mga pagpangabuso. Matud pa ni Labor Secretary Rosalinda Baldoz, gi-aprobahan sa POEA ang mga resolusyon nga nagbutang sa ‘blacklisted countries’ nga pakyas sa paglagda og international conventions sa pagprotehir sa mga foreign workers.

Ang maong mga nasud wala usab milagda og bilateral agreements tali sa nasud sa Pilipinas kalabot sa “protection of the rights of overseas Filipino workers,” matud pa sa maong resolusyon. Wala usab sila’y kaugalingong balaod nga nagprotehir sa mga foreign workers. Apil sa maong listahan ang mga nasud sa Afghanistan, Libya, Iraq, Sudan, Chad ug Pakistan. (PIA-Bohol/ecb)

Submit a Comment