POSIBLENG mahatagan usab sama sa pantawid-pasada program sa gobyerno alang sa
mga drayber sa jeep ug tricycle ang mga mangingisda ug mga mag-uuma nga naggamit og
gasolina sa ilang panginabuhian.
Matud pa ni Energy Secretary Jose Rene Almendras sa pakighinabi sa radyo, nga naghimo
na ang Department of Agriculture (DA) og listahan sa mga mangingisdang tiggamitan og
pump boat.
Samtang gikumpleto na usab sa DA ang datos alang usab sa mga mag-uuma nga tiggamitan
og krudo, sama sa irrigation pump.
Sa higayong mahuman na ang datos, tukion usab sa gabinete kun unsaon sila pagtabang.
Gibutyag usab ni Almendras nga nangita na sila og paagi aron dili na gastuhan sa gobyerno
ang pagpahimo og mga smart cards sama sa pagbutang og ads aron dili na kuhaon pa sa
pondo gikan sa maong programa. (ecbPIA-Bohol)