Marijuana makuyaw nga tambal – PDEA

NIPASIDAAN ang Philippine Drug Enforcement Agency (PDEA) nga usa pa ka makuyaw
nga tambal ang marijuana o Indian hemp ug iligal kini ubos sa Republic Act 9165, ang
Comprehensive Dangerous Drugs Act of 2002.

Kini human mapamantala sa usa ka pahayagan sa New York Times News Service sa
America ang usa ka balita nga adunay titulo nga “Marijuana brings some families closer”.

Gibutyag sa maong balita ang paglambo sa pagdawat sa marijuana nga adunay medikal nga
katuyuan sa ubang estado sa Estados Unidos.

Matud pa ni PDEA Chief Dionisio R. San-tiago nga sa ubang nasud, ang processed cannabis
o derivatives niini gigamit aron pagkontra sa sintomas sa pagkalipong, pagsuka sa panahon
sa chemo ug radiotherapy, glucoma, multiple sclerosis, AIDS ug pagkawala sa gana, spinal
cord injury ug chronic pain management sama sa severe arthritis ug Tourette’s syndrome.

Apan ubos sa gipatuman nga balaod sa Pilipinas, ang marijuana nagpabiling usa ka
makuyaw nga tambal. Wala pa’y giingon nga medikal nga panginahanglan alang sa
marijuana dinhi sa nasud ug wala’y nakare-histro niini sa Food and Drug Administration
alang sa pharmaceutical preparations nga nakabutang nga Cannabis o unsa mang
derivatives niini.

Nipasidaan si San-tiago sa publiko sa dili pag-eksperimento isip basihan sa pagpangandam
sa medikal tungod kay siguradong madakpan ang mohimo niini sa paglapas sa anti-drug law.

(PIA-Bohol)

Submit a Comment