Marcos HR victims gibayaran og $1,000

NAKADAWAT gahapon og tig-$1,000 ang may 12 ka biktima sa pang-abuso sa tawhanong
katungod niadtong panahon ni kanhi Presidente Ferdinand Marcos, isip kumpensasyon alang sa
ilang naagian nga kalisod.

Kini ang labing unang higayon nga nakadawat ang mga biktima sa kumpensasyon sukad niduso
sa class suit niadtong tuig 1986.

Ang ceremonial turnover sa mga tsekeng kumpensasyon gipahigayon sa Club Filipino sa
Greenhills, San Juan gahapon.

Mismong si American Lawyer Robert Swift, lead counsel sa mga biktima, ug ang iyang mga
Pinoy co-counsel, sa tabang ni Commission on Human Rights (CHR) chairman Etta Rosales, ang
nanghatag sa mga tseke sa mga claimants, nga gi representahan sa pamilya sa mga biktima.

Ang maong kantidad giingong gitugot ni Judge Manuel Real sa US District Court sa Hawaii
human kini aprubahi niadtong milabay’ng buwan ang pagpanghatag sa may $7.5 milyon sa 7,526
eligible human rights victims.

Kahinomdoman nga niadtong tuig 1986 pa dihang gisang-at sa mga biktima ang maong lawsuit
sa Hawaii court, human nga gipalagpot si Marcos. (ecbPIABohol)

Submit a Comment