Malakanyang: Performance rating ni PNoy sa Pulse Asia survey, nagpabiling historical high

TAGBILARAN CITY, Bohol, June 23 (PIA) — Gikonsidera sa Malakanyang nga naa sa historical high ang performance ug trust rating ni Presidente Benigno “Noynoy” Aquino III sa Pulse Asia survey diin natala ang 71 percent nga approval ratings.

Gipasabot ni Presidential Spokesperson Edwin Lacierda nga ang margin error nga plus o minus three percentage points nagpabiling wala nilihok sukad sa kanhi rating nga 74 percentage points.

Giingong bisan pa sa mga banat sa ubang grupo, merihistro sa pinakaulahing Pulse Asia survey ang suporta sa mga katawhan sa paningkamot sa administrasyon nga batokan ang anomaliya, isulong ang pagsaka sa ekonomiya ug paghatag og nag-unang serbisyo sa mga katawhan.

Matud pa ni Lacieda nga nalipay ang Presidente sa vote of confidence sa mga katawhan ug magpabilin siyang committed sa pagtahas sa tul-id nga dalan paingon sa pag-asenso.

Base sa Pulse Asia Survey nga gipahigayon gikan Mayo 21 hangtud Hunyo 4, migawas nga pito sa matag 10 ka Pilipino ang nagpabiling taas ang pagsalig kang Presidente Aquino o 71 porsyento sa respondents ang nisalig sa Presidente samtang wala pay usa sa kada 10 ang
misaway sa iyang performance. (PIA-Bohol/ecb)

Submit a Comment