Malakanyang: Pagbasura ni PNoy sa P125 wage hike, dili pagpabor sa mga employers

TAGBILARAN CITY, Bohol, May 02 (PIA)–Kusganong giingon sa Malakanyang nga adunay gipaboran si Presidente Benigno “Noynoy” Aquino III sa pagbasura niini sa sugyot sa mga mamumuo nga P125 across-the-board wage hike.

Sa usa ka radio interview sa dzRB Radyo ng Bayan, gipasabot ni Deputy Presidential Spokesperson Abigail Valte nga nagmatinud-anon lamang ang Presidente sa iyang diskurso kagahapon sa paghandom sa Labor Day.

Pasabot pa niini, tanan man ang naghandom og taas nga suholan apan kinahanglan nga timbangon usab ang kaayuhan sa mga mamumuo ug employers.

Giingong dili angay makompromiso ang ubang trabahante nga mahimong matangtang sa trabaho kun ipatuman ang P125 legislated wage increase kun dili kini makaya sa mga negosyante.

Sa iyang diskurso sa pagsaulog sa Labor Day kagahapon, gitataw sa Presidente nga mas maglisod ang katawhang Pilipino kun ipatuman ang P125 across-the-board wage hike tungod kay kun sumadahon, mokabat man sa P1.43 trilyon ang ipagawas sa ekonomiya aron
mabayaran ang halos upat ka milyong mamumuo matag tuig. (PIA-Bohol/ecb)

Submit a Comment