Malakanyang, miseguro nga dunay igong suplay sa bugas sa nasud

GIPANIGURO sa Malakanyang ngadto sa publiko nga dunay igong suplay sa bugas sa
nasud.

Matud pa ni Presidential Communications Secretary Sonny Coloma, hugot nga gitutokan sa
kagamhanan, partikular sa Department of Agriculture (DA) ug National Food Authority (NFA),
ang suplay sa bugas sa nasud ug walay problema sa kasamtangang sitwasyon karon.

Nauna nang migawas ang balita nga gipasidan-an sa National Intelligence Coordinating
Council (NICA) si Preidente Benigno “Noynoy” Aquino III nga posibleng makasinati ang
nasud og krisis sa pagkaon tungod sa pag-ubos sa produksyon sa bugas sa rice-producing
countries sama sa Pilipinas.

Samtang sa usa ka press briefing sa Malakanyang, giseguro og balik ni Agriculture Secretary
Proceso Alcala nga walay krisis sa suplay sa bugas sa nasud.

Gitumbok ni Alcala nga maayo ang ani sa humay ug posibleng ang Pilipinas pa ang mag-
export og bugas sa tuig 2013.

Kumpiyansa si Alcala nga mahimong sufficient ang nasud sa suplay sa bugas ug ang
kamatuoran niini, posibleng maapsan pa niini ang 7.6 milyon metric tons nga gisaligan sa
kagamhanan. (ecbPIA-Bohol)

Submit a Comment