Malacañang wala pay hukom sa gitanyag nga dugang buhisan sa sigarilyo

WALA pay desisyon si Presidente Noynoy Aquino sa gitanyag ni Health Secretary Enrique Ona nga dugang P4.50 nga buhisan sa sigarilyo samtang wala pay opisyal nga panaghisgutay bahin niini matud pa sa tigpamaba sa Palasyo niadtong Martes.

Sa usa ka news briefing, si Presidential Spokesman Edwin Lacierda ni ingon nga kinahanglan pa unang tun-an ni Finance secretary Cesar Purisima, kinsa maoy in-charge on tax matters.

Kon seryosohon sa Presidente, kinsa usa usab ka tigpanabako ang maong tanyag kay naghiapil man kini sa promotion sa public health, si Lacierda nagkanayon nga sa pagkakaron, wala pay policy decision kay wala pa nahisguti sa Malacañang ang maong tanyag.

Matud pa ni Lacierda nga mayo man ang maong tanyag kay nag promote kini sa public health, apan mo agi pa kini una ni Purisima.

Sa usa ka pagpakig-pulong sa Framework Convention on Tobacco Control Alliance Philippines, si Ona ni ingon nga iyang suportahan ang laraw nga pagpahamtang og dugang buhis nga P4.50 kada stick, o P90 sa kada 20-cigarette pack. (PIA-Bohol)

Submit a Comment