Malacañang gihangyo nga i-apil ang ‘Morong 43’ sa amnesty proclamation

GIHANGYO sa mga senador ang Malacañang niadtong Martes nga i-apil ang “Morong 43”
sa listahan sa mga beneficiaries ni Presidente Benigno “Noynoy” Aquino III sa iyang amnesty
proclamation.

Mao kini ang gisugyot ni Senador Joker Arroyo atol sa Senate hearing sa amnesty
proclamation ni Presidente Aquino.

Ang maong hearing na suspenso niadtong Lunes tungod sa pag-apil sa pangalan ni Senador
Gringo Honasan ug ubang miyembro sa Communist Party of the Philippines-National
Democratic Front sa listahan sa mga beneficiaries.

Gisuportahan usab ni Senador Francis “Chiz” Escudero ang sugyot ni Arroyo og niingon
nga angay hatagan usab og amnestiya ang “Morong 43” dili lamang tungod sa panahon sa
Pasko, apan alang usab sa patas nga proteksyon.

Matud pa ni Escudero nga majority sa iyang mga kauban sa Senado, apil na usab sa mga
magbabalaod sa House of Representatives, nagpaabot lamang sa desisyon ni Presidente
Aquino sa “Morong 43” kinsa gipang-aresto tungod sa giingong ilang kalambigitan sa
underground movement. (PIA)

Submit a Comment