Magpabiling igo ang meat supply – Palasyo

TAGBILARAN CITY, Bohol, May 04 (PIA)–Giseguro sa Malacañang nga igo ang supply sa mga meat products partikular sa karneng baboy taliwala sa bag-ong hulga sa mga local hog raisers nga mopahigayon sila og lima ka adlaw nga meat holiday.

Matud pa ni Presidential Spokesman Edwin Lacierda nga nilihok na ang gobyerno aron mahatagan og kasulbaran ang problema sa technical smuggling nga giingong mo patay sa domestic meat industry.

Dugang pa ni Lacierda, samtang nakighinabi ang gobyerno sa mga hog raisers, naghimo na og paagi ang Bureau of Customs (BoC) ug Department of Agriculture (DA) aron mahunong na ang technical smuggling.

“There is no shortage right now,” matud pa ni Lacierda. “We are talking with the hog raisers.  Agriculture Secretary Proceso Alcala and Customs chief Ruffy Biazon are also mapping out ways to address technical smuggling.”

Una nang gibutyag ni Agriculture Sector Alliance of the Philippines partylist Rep. Nicanor Briones nga mokabat sa 90 milyon ka kilo nga smuggled pork ang tigsulod sa nasud matag tuig o naa sa 12 container vans matag adlaw. (PIA-Bohol)

Submit a Comment