Bohol News Daily

Leptospirosis gibantayan

HINGPIT karong gibantayan sa Department of Health (DOH) ang mga kaso sa leptospirosis
sa nasud.

Niabot na sa 690 ka kaso sa leptospirosis sa nasud ug 36 na ang nangamatay niini.

Matud pa ni DOH National Epidemiology Center Chief Dr. Eric Tayag, kadaghanan sa mga
kaso nga natala gikan sa Metro Manila, apan gisuta nila karon ang posibleng outbreak sa
leptospirosis sa Pangasinan diin aduna nay gikataho nga 24 ka kaso ug duha na niini ang
namatay.

Pipila sa mga sintomas sa maong sakit mao ang hilanat, pag yellow sa pamanit ug pag kolor
tsaa sa ihi.

Dili usab angay nga pasagdan ang mga bata nga magdula sa baha tungod kay dinhi nila
mas daling makuha ang mga sakit sama na sa leptospirosis. (PIA)