Kongresista mibasul sa MILF sa kagubot karon sa Lanao del Norte

Gibasul ni Kongesista Abdullah “Bobby” Dimaporo sa ika-duhang distrito sa Lanao del Norte ang Moro Islamic Liberation Front (MILF) sa gihimong opensiba sa Armadong Kusog sa Pilipinas (AFP) batok kang Abdullah Macapaar alyas Kumander Bravo.

Mao kini ang giluwatang pamayahag ni Dimaporo sa iyang mensahe sa pagtak-op sa Peace Summit ug Crafting of Peace Covenant didto sa syudad sa Iligan niadtong Agosto 30.

Ang kongresista mideklara sa iyang pag-suporta sa gihimo sa kagamhanan nga dis-armahan ug sumpu-on ang MILF sa dili pa mopadayon ang bisan unsang sulti-ay tali sa kalinaw.

Ang kagubot karon sa Lanao del Norte, naka-apektar sa kapin sa 173,804 sa mga lumulopyo, base sa taho sa Office of Civil Defense (OCD) rehiyon 10, apan gidayeg ni Dimaporo ang tubag sa kagamhanan nga na-ibsanan ang kalisud nga nasinati sa mga nanga-angol.

Ang kongresista usab nagatu-o nga dili tanang sakop sa armadong grupo mga kriminal, iya lang gipantin-aw ang pagsuporta sa operasyon sa AFP sa paggukod ni Kumander Bravo nga mihimo og salaud sa mga katawhan sa Kolambugan ug Kauswagan sa Lanao del Norte. (PIA/Bohol)

Submit a Comment