GIPASALIG sa Commission on Elections (Comelec) nga walay iproklama nga “multiple termers” bisan
pag sila ang midaug sa piliay sa barangay ug Sangguniang Kabataan (SK).
Tini samtang gimandu sa Comelec ngadto sa mga opisyal nga nagpadagan sa piniliay nga I-suspenso
una ang proklamasyon sa mga kandidatong nalista sa gitawag og overstaying kay nakahuman na sa
tulo ka termino subay sa balaod.
Kon may makalusot, matud sa Comelec, ang midaug nga nmagsilbi sa ika upat ka termino, isipon
kining walay epekto samtang mag-atubang sa kiha administratibo ang mga opisyal nga dili motuman
sa mandu sa Comelec.
Kini samtang gibutyag na ni Interior Secretary Jesse Robredo ang 4,433 ka barangay kapitan nga dili
na makahimo pagdagan kay molapas na sa tulo ka termino ang ilang pagpangalagad.
Segun sa balaod, dili mahimo sa usa ka barangay official sa paglingkod sa pwesto labaw sa tulo ka
nagsumnod nga termino sa samang posisyon. (PIA-Bohol)
