Bohol News Daily

Kampanya sa Barangay, SK nagsugod na

PWEDE nang makapa­ngampanya sugod karong adlawa ang mga kandidato alang sa Barangay ug Sangguniang Kabataan (SK) eleksyon nga gikatakda karong Oktubre 25.

Sa gipagawas nga Ca­lendar of Activities sa Comelec, ang campaign period magsugod karong adlawa Oktubre 14, Huwebes, nga molanat hangtud Oktubre 23 o duha ka adlaw sa dili pa ag piniliay.

Kalabut niini, gipahinomduman sa Comelec ang mga kandidato sa pagsunod sa mga sumbanan nga gipatuman sa poll body alang sa campaign period.

Apil niini ang paggamit sa pangampanya sa mga posters nga may gidak-on lamang nga 2X3 feet nga angay ipaskil lamang sa mga deklaradong common poster area sa Comelec sama sa plaza, merkado, barangay center, ug mga susama nga lugar.

Sigon sa Comelec Re­so­lution 9043, di moubos sa 10 common poster area ang tutukuyin ng election officer sa kada barangay, diin pwedeng magpaskil sa ilang campaign materials ang mga kandidato.

Hinuon, kada kan­didato gitugotan lamang nga magbutang og tig-isa nga poster sa kada common poster area.

Ang mga streamers usab na gamiton alang sa mga public meeting o rally kinahanglang di molapas sa 3X8 feet ang gidak-on.

Mahimo kining ipaskil sa mga lugar nga adunay panag-tapok, lima ka adlaw sa dili pa ang pulong o rally, apan kinahanglang kuhaon kini sulod sa 24 oras human sa okasyon.

Hugot nga ginadili sa Comelec ang pagbutang sa mga campaign materials sa mga dalan, tulay, public structure o building, kakahoyan, poste ug kable sa kuryente, mga tunghaan, mga shrine, ug mga susamang lugar niini. (PIA-Bohol)