‘Junk foods’ bawal nang ibaligya sa mga tunghaan

GIMANDU gahapon ni Education Secretary Armin Luistro ang ‘total ban’ sa pagbaligya sa
nagkalain-laing klase sa ‘junk foods’ sa mga tindahan o canteen sulod sa mga tunghaan.

Sa pakighinabi sa mga opisyal sa World Health Organization (WHO) nga maoy
nagrekomenda sa paglusad sa ‘healthy diet’ ug ‘child obesity, nahibaw-an sa DepEd nga ang
usa sa hinungdan sa paghinay sa pangutok sa mga tinun-an mao ang pagkaon og junk foods
o dili masustansiyang pagkaon.

Sa DepEd order No. 8, gimandu nga mga masustansiyang pag–kaon lamang, sama sa mga
root crops, kan-ong humay, mais, utanon, prutas ug uban pang adunay taas nga bi-tamina
ug mineral ang tugotan nga ibaligya sa tanang school canteen sa nasud.

Bawal na usab ang pagbaligya sa ‘artificial flavored juices’ ug carbonated nga ilimnon nga
dili maayo alang sa kahimsog sa mga kabataang nagtungha sa elementary ug high school.
(ecbPIABohol)

Submit a Comment