Bohol News Daily

GRP-MILF exploratory talks, padayon bisan pa sa gubat sa Central Mindanao

TAGBILARAN CITY, Aug. 15 (PIA) – PADAYON ang formal exploratory talks sa gobyerno ug sa Moro Islamic Liberation Front (MILF) sa Agosto 22 sa Kuala Lumpur, Malaysia bisan pa sa nagpadayong gubat sa magkaatbang nga paksyon sa grupo sa Central Mindanao.

Matud pa ni Government Peace Panel Chairman Marvic Leonen, makisayod sila sa himuong pulong sa MILF sa resolusyong nahitabo aron masulbad ang internal problem sa mga magka-atbang nga paksyon niini.

Sa pagkakaron, mokabat na sa 3,600 ka sibilyan ang napugos og bakwit human mapiit sa gubat sa managkontrang paksyon sa MILF nga ni resulta na sa pagkamatay sa 23.

Gitataw ni Leonen nga wala pa ni uyon ang kagamhanan sa laraw sa MILF sa pagmugna og sub-state sa Mindanao.

Giingong hisgotan pa sa Agosto 22 ang himuong negotiating document o working draft sa peace negotiation. (PIA-Bohol/ecb)