Bohol News Daily

Giingong sayop nga forecast sa PAGASA gipasusi ni PNoy

TAGBILARAN CITY, Bohol, July 28 (PIA)–IPASUSI ni Presidente Benigno Aquino III kun nasayop ba gayud ang forecast sa PAGASA tungod kay giingong wala dayon giapil sa storm signal ang Bicol Region nga maoy sentro sa bagyo.  Kahinomduman nga niadtong Martes, gisaway ni Albay Gov. Joey Salceda ang PAGASA tungod sa kapakyas niini paghatag og saktong pahibalo sa bagyong Juaning nga maoy hinungdan sa pagkamatay sa 10 katawo sa lalawigan apil sa sa iyang inahan.

Tungod niini, gise-guro gahapon sa Presidente nga magbaton og mas daghang automated weather stations ang PAGASA aron makahatag kini og real-time weather situation reports sa publiko.  Sa pagbaton og mas daghang AWS, mas daling masukod ang rainfall, wind speed, air pressure, wind direction, relative humidity, air temperature ug uban pang weather parameters nga gamiton sa PAGASA. (PIABohol/ecb)

Exit mobile version