Flood alert sa Vis-Min, gi-uswag pa sa PAGASA

 

 

TAGBILARAN CITY, January 19 (PIA)–Gi-uswag pa sa Philippine Atmospheric, Geophysical and Astronomical Services Administration (PAGASA) ang gi-isa nga flood alert sa Visayas ug Mindanao tungod sa pila na ka oras nga pagbubo sa ulan.

 

Tungod niini, gipabakwit na sa PAGASA ang mga nagpuyo sa low lying areas sa Bohol, Siquijor ug Southern Leyte paingon sa mga luwas nga lugar..

 

Gawas niini, gipasidan-an usab ang mga residente sa Bukidnon, Dinagat Island, Siargao Island, Surigao del Norte, Surigao del Sur, Agusan del Norte, Davao del Sur ug Sultan Kudarat tungod sa kinay-hinay na nga pagsaka sa baha sa pipila ka parte sa mga nahisgotang  lugar.

 

Dugang pa niini, may natala usab nga kusog nga pagbubo sa ulan sa Agusan del Sur, Misamis Oriental, Camiguin, Misamis Occidental, Lanao del Norte, Davao del Norte, Davao Oriental, Davao City, Compostela Valley, Sarangani, North Cotabato, South Cotabato, Maguindanao, Zamboanga Peninsula, Basilan, Sulu, Lanao del Sur ug Cotabato City.

 

Samtang gitin-aw sa PAGASA nga wala’y nasigpatan nga bagyo o bisan low pressure area (LPA) ug dala pa gihapon kini sa extension sa cold front ang panganod nga anaa sa mga nahisgotang mga lalawigan. (ecb/PIA7-Bohol)

Submit a Comment