SI Marine Capt. Nicanor Faeldon boluntaryong ni surrender sa militar niadtong Miyerkoles human sa labaw sa duha ka tuig nga pagtago-tago.
Si Faeldon gi ingong ni surrender ngadto kang Philippine Marine Corps Commandant, Maj. Gen. Juancho Sabban.
Si Faeldon uban sa mga junior military officers ang nangulo sa Hulyo 2003 Oakwood Mutiny, nga malinawon nga natapos human sa usa ka adlaw nga standoff.
Hinuon, naka-ikyas si Faeldon gikan sa military custody niadtong Disyembre 4, 2005 human nitambong sa court hearing kalabot sa iyang kaso sa Oakwood Mutiny.
Niadtong Enero 27, 2006, si Faeldon nadakpan pag-usab sa mga elemento sa Intelligence Service of the Armed Forces of the Philippines kon ISAFP sa Malabon.
Apan niadtong Nobyembre 29, 2007, naka ikyas siya pag-usab atol sa kagubot sa Manila Peninsula Hotel nga ni sunod sa ilang pag- walkout gikan sa Makati Regional Trial Court.
Si Faeldon nag-atubang og mga kaso sa militar ug civilian courts. (PIA-Bohol)
