Drayber gidakop human wa mohunong sa usa ka checkpoint didto sa lungsod sa Lila

GIDAKOP sa kapulisan ang usa ka drayber sa usa ka motorsiklo human wala kini mohunong sa gihimong Comelec checkpoint didto sa Poblacion, Lila, Bohol niadtong Lunes sa buntag.

Suspetsado nailhan nga si Alfredo Baliste, 57, minyo, taga-Poblacion, Lila.

Sigun sa taho nga samtang ang ginsakpan sa Lila Police Station nagpahigayon og usa ka Comelec checkpoint sa nasudnong dalan atubangan sa munisipyo sa maong lungsod mga alas 7 sa buntag dihang ang suspetsado kinsa nagsakay og usa ka Rusi MP100 kolor itom nga motorsiklo nga walay plaka gipara ug gipahunong apan wala kini mosunod ug nipaturatoy og padagan.

Gigukod ang maong drayber ug nadakpan ug nahibaw-an nga walay lisensiya sa pagmaneho, walay gisuot nga helmet ug nagsinelas.

Kasong disobedience to persons in authority ang giandam nga ipakasa batok sa maong suspek didto sa piskaliya. (Andy Nalzaro)

Submit a Comment