NILUWAT sa pangatungdanan niadtong Martes si Tourism- Undersecretary Vicente Romano
III nga maoy ‘utok’ sa kontrobersyal nga slogan ug logo sa Department of Tourism (DOT)
nga “Pilipinas Kay Ganda”.
Nangayo’g pasaylo si Usec. Romano kang Presidente Aquino, kang Tourism- Sec. Alberto
Lim ug sa publiko ug giako ang ‘full responsibility’ sa palpak nga logo ug slogan sa DOT nga
ni ani og mga pagsaway gikan sa mga stakeholders ug bisan sa Presidente.
Sa usa ka statement, ni ingon si Romano nga siya ang nagmando sa Campaigns & Grey
nga mokuha og inspirasyon sa logo sa mga European countries sama sa Polska, España,
Portugal, Italia ug Maldives diin namugna usab ang Pilipinas Kay Ganda slogan.
Si Romano nagtuo nga nindot ang maong disenyo mao nga gidali kini ug wala na mikonsulta
sa tourism sector.
Matud pa ni Romano nga wala niya gi konsedera nga ‘plagiarism’ ang gihimo nilang pagkuha
og inspirasyon gikan sa “Polska” tourism logo sa Poland tungod kay usa lamang kini ka
common practice.
Nasayran nga migasto ang DOT og P4.8 milyon alang sa paglusad sa kampanya sa maong
palpak nga logo. (PIA)
