DOLE naghimo’g pamaagi nga mapangitaan og trabaho ang mga Pinoy nga gikan sa Libya

GISEGURO sa Department of Labor and Employment (DOLE) nga gihimoan nila og pamaagi
aron makakuha og trabaho ang mga Pinoy nga nibakwit gikan sa Libya.

Matud pa ni Labor Secretary Rosalinda Baldoz, nakipag-tambayayong na sila sa European
Chamber aron mahibaw-an ang mga skills sa mga Pinoy nga matang-tang sa Libya.

Gipahayag ni Baldoz nga interesado ang European Chamber nga kuhaon ang serbisyo sa
mga mamumuong Pinoy.

Samtang miabot na sa 628 ka mga Pinoy ang nakaule sa nasud gikan sa Libya.

Base sa talaan sa Overseas Workers Welfare Administration (OWWA) Action Center, pinaka-
uwahi niini ang 51 ka Pinoy nga niabot sa nasud ganinang buntag.

Sa pagkakaron, moadto sa Greece ang Greek vessel nga Ionian Queen nga gi-abangan
sa Department of Foreign Affairs (DFA) aron kuhaon ang uban pang Pinoy gikan Libya nga
gustong mopaule sa nasud. (ecbPIABohol)

Submit a Comment